شكوى ثائرة لسيدة كفر العلو

عندما يتفشى الظلم يظهر الثائرين هكذا حال أهالى كفر العلو الذين تحولوا الى الى ثائرين يريدون أخذ حقهم من الذين اهانوا كرامتهم وسلبوا أرضهم وبيوتهم

حوار مع احدى ضحايا كفر العلو

عندما تعجز الكلمات عن وصف ما شاهدناه من مأسي في كفر العاو
عندما اعجز عن وصف ما تشعر به هذه السيدة من مرارة ومهانة وظلم وقلة حيلة في مواجهة هذا الطغيان الذي سلبها بيتها وأرضها ومالها
شاهد هذا الفيديو وسوف تتعرف على مدى المرارة التي تشعر بها هذه المرأة

زيارة فريق عمل ابناء مصر لكفر العلو وتوزيع التبرعات على الضحايا

في أطار الدعوة التي أطلقها فريق عمل موقع” أبناء مصر” وعدد من “المدونين” الأيام الماضية نشكر كل من ساهم من اجل “ضحايا كفر العلو” المشردين فقد تم توزيع عدد 75 من البطاطين والطعام والعصائر على الأهالي بالتنسيق مع “جمعية رسالة الخيرية والإعداد لإرسال قافلة طبية و أدوية وملابس وحل مشكلة المياة تسكينا لهم في ظل الظروف المعيشية للاهالى المشردين , لحين صدور قرار بتوزيع شقق لمتضررين “كفر العلو” من قبل الدولة وهو الذي نتمناه عن قريب

للمزيد ولمشاهدة فيديو الزيارة اضغط هنا

نداء من ضحايا كفر العلو

دعوة لمساعدة اللاجئين المصريين في كفر العلو

اه...اهالي كفر العلو اصبحوا زي اللاجئين السودانيين بالظبط

يعيشون تقريبا في نفس الظروف الغير ادمية

الا ان السودانيين كانوا يستوطنون احد الميادين الراقية بالقاهرة

والعالم كله شايفهم...و المفوضية الخاصة باللاجئين تحميهم و تدعمهم

لكن اللاجئين المصريين في حلوان...يا عيني حالهم زي حال كل المصريين

لا ليهم ضهر يحميهم...ولا دولة اجنبية تسهر عليهم

والإسم عايشين في بلدهم

سكان كفر العلو عشان الي مش عارف...للأسف الشديد

الحكومة خدت اراضيهم و هدت عليهم بيوتهم و تركتهم في العراء

وعدتهم بتعويضات ما شافوش منها حاجة

الناس دي في الشارع من رمضان الماضي

ابناء مصر صورت هناك و عملت فيديو سمته في العراء فيه شرح لحالتهم

الي عايز يعرف تفاصيل الموضوع التفاصيل هنا

دلوقتي يا شباب مصر....احنا مالناش الا بعض

لا الحكومة هتشفع ولا هتنفع

وكلنا معرضين في اي لحظة ان بيوتنا تتهد على نافوخنا

ولا حد هيحوش عنا ولا حد هينصفنا

مش هينصفنا غير وقفتنا جنب بعض....نقف بجد بدعم حقيقي

مش بوقفات احتجاجية لا هتودي ولا هتجيب

الناس الي في حلوان الي هما اهالينا و ناسنا

قعدين في الشارع في عز البرد محتاجين بطاطين تحميهم و عيالهم من البرد

محتاجين لبس شتوي بدل الهدوم الي اتبهدلت تحت الأنقاض

محتاجين اكل لإنهم بياكلو الكفاف

محتاجين رعاية طبية خاصة للأطفال...

محتاجين ادوية و علاج...محتاجين ما يحتاجة اي لاجئ من اللاجئين في اي مكان

كمان محتاجين خيم لإنهم قاعدين في مكان على مجرى سيل

بيخرج عليهم افاعي وتعابين و حشرات و ذئاب

و حياتهم و حياة عيالهم طول الوقت مهددة بالموت

ما يقتل كمدا و غيظا...اننا بنشحت على ناس المفروض انهم مليونيرات

يعني الناس دي..ارضهم تسوى ملايين...الحكومة خدتها منهم بألفين و خمسمية جنيه

و بعدين اكتشفت انهم بنيين بيوتهم على الأرض الزراعية

فطلعت عليهم احكام و غرامات بعشرة الاف جنية و كام سنة سجن

فالناس في يوم وليلة بقى عندهم موت وخراب ديار

مع ان الحكومة بجلالة قدرها هتاخد الأرض و تبني عليها محطة مية

و كمان وراء مصنع اسمنت....

احنا محتاجين دعم كامل للناس دي

عشان ما تبقاش قلعة الكبش الجديدة

الناس دي محدش سائل فيهم

مالهومش غيرنا...و لو اديناهم ضهرنا دلوقتي

بكرة هيجي علينا الدور...., يكتشفوا ان بيوتنا تحتها مقبرة فرعونية

ولا صندوق الزبالة الي قدام العمارة بيطلع صراصير فهنهد العمارة

ولا اي حاجة..., نبقى شعب كله من اللاجئين

الي يقدر يتبرع بأي حاجة للناس دي...يبعتلي على الميل و انا هوصلهم بنفسي

و الي يحب يجي يشوف بنفسة المأساة...

ويتصل بيا برضة وهنخليه يتفرج بي و على رأي نتانا سينما

مش هيقدر يغمض عينيه

الي بقى يقدر يوصل المشكلة لأي محامي يتولاها

فعندنا صور من كل الأوراق الخاصة بالمشكلة

من عقود مية لنور لعقود صورية ببيع و تنازل

والي يقدر يجيب دعم مادي من جمعيات خيرية...يا ريت

احنا محتاجين كل الدعم واي دعم

الي عايز يتبرع يتصل بينا واحنا هنقابلة وناخد منة التبرعات العينية
والي عايز يجي يشوف بنفسة فلوسة رايحة فين برضة يتصل بينا واحنا هننسق معاه و نوريه بعينية

مظاهرة شعبية أمام مجلس الشعب أحتجاجا على القانون الجديد للتأمين الصحى

شهدت اليوم البوابة الرئيسية لمجلس الشعب مظاهرة نظمها حزب التجمع بتمام الواحدة ظهرا حيث حضر مالا يقل عن خمسون شخص منهم أعضاء الأحزاب التجمع والناصري والوفد والغد وحضر في المظاهرة فئة شعبية من عمال مصانع ومواطنون مستاءون وذلك جاء للتعبير عن رفض مشروع قانون التأمين الصحي الجديد

للإطلاع على المزيد

وانتصر عماد الكبير

و أنتصر عماد الكبير ذلك الرجل الذي تحمل ما لم يتحمله بشر من إيذاء نفسي وعصبي وتعذيب بحجج واهية علي مدار حلقات تلك القضية . نجح عماد الكبير فيما فشل فيه كل صاحب حق . كل مصري مقهور . كل فرد تعرض للاهانه والاستهانة بحقوقه وكرامته في وطن تجرع فيه الصغير قبل الكبير الآلام و الحسرة وذل القهر .

ولكنها بداية وكما يقال أن أول الغيث قطره فهذه قطره سيعقبها شلالات من الحقوق المنتهكة وبداية للتصدي للظلم الواقع علي الشعب وخطوه لخطوات الخروج من قمقم البحث عن الحقوق . وليعلم الجميع أن هذا حكم الادانه ليس يدين شخص ولا مجموعه بعينها ولكنه حكم بأدانه للنظام والمنظومة ككل .

ارفع رأسك يا عماد فأنت كبير ولا تمسح دموعك فأنها دموع الإبطال
فمبروك لك الحكم ومبروك لمصر كلها